बिहीबार नेप्से परिसूचक २९ दशमलव २१ अंकले वृद्धि

नेपाल स्टक एक्सचेञ्जले दिएको जानकारी अनुसार बिहीबार नेप्से परिसूचक २९ दशमलव २१ अंकले बढेर दुई हजार दुई सय चार दशमलव ६१ मा पुगेको छ ।  ठूला  मानिएका कम्पनीको शेयर कारोबार मापन गर्ने सेन्सेटिभ परिसूचक पाँच दशमलव ९० अंकले उकालो लागेर तीन सय ९१ दशमलव ६६ मा पुगेको छ । जम्मा दुई करोड दुई लाख ३७ हजार सात सय ८० कित्ता शेयर सात अर्ब आठ करोड छ लाख ९८ हजार एक सय ४६ मूल्यमा कारोबार भएको छ  । त्यस्तै बलेफी हाइड्रोपावर नौ दशमलव ९९, सिटिजन सुपर ३० म्युचुअल फण्ड नौ दशमलव ९७, एनआइबिएल स्टेबल फण्ड नौ दशमलव ८३, जानकी फाइनान्स आठ दशमलव ७६ र सिटिजन म्युचुअल फण्ड दोस्रोका लगानीकर्ताले सात दशमलव ८२ प्रतिशतले कारोबार वृद्धि गरेका  हुन् ।