सेयर बजार कारोबारमा बुधबार  दोहोरो अंकको गिरावट

सेयर बजार कारोबारमा बुधबार  दोहोरो अंकको गिरावट आएको छ ।  सेयर बजार परिसूचक नेपाल स्टक एक्सचेञ्ज (नेप्से) देखाएको आकडा अनुसार  १३.५२ अंकले घटेर २६३१.१७ बिन्दुमा  कायम भएको छ । यस भन्दा अगाडिका तीन कारोबार दिनमा पनि नेप्से लगातार घटेको  आकडाले जनाएको छ  । अघिल्लो दिन अर्थात हिजो  मंगलबार ०.५३ अंकले घटेको नेप्से सोमबार ४.२८ अंक र आइतबार २६.५१ अंकले घटेको थियो । यस्तै शेयर बजार कारोबारमा बुधबार नेप्सेमा कुल ५ अर्ब २३ करोड रुपैयाँ बराबरको कारोबार भयो  । हिजो मंगलबार भने नेप्सेमा ४ अर्ब ४२ करोड माथिको कारोबार भएको थियो । बुधबार कारोबारमा आएकामध्ये ७४ कम्पनीको सेयर मूल्य बढ्दा १७७ कम्पनीको घटेको छ । यस्तै, ७ कम्पनीको सेयर मूल्य भने स्थिर छ ।  आज पाँच कम्पनीको सेयर मूल्यमा सकारात्मक सर्किट लाग्दा फाइनान्स समूहमा सर्वाधिक अर्थात् १.५९ % ले  सुधार देखिएको  छ ।