आजको कारोबारमा देखियो वृद्धि

साताको पहिलो कारोबार दिन आज  नेपाल स्टक एक्सचेञ्ज (नेप्से) परिसूचकमा  सामान्य अंकले बढेको देखिएको  छ । आज आइतबार परिसूचक चार दशमलव ९८ अंकले बढेर दुई हजार सात सय ५३ दशमलव ७६ को बिन्दुमा कायम भएको छ ।जहाँ   फरक फरक  संगठनका तीन सय २६ कम्पनीको दुई करोड ४४ लाख २६ हजार ९००  कित्ता शेयर एक लाख १३ हजार  २ सय ५२ पटक खरिदबिक्री हुँदा खेरी  ११ अर्ब ७२ करोड ६७ लाख ५६ हजार नौ सय चार बराबरको कारोबार भएको छ ।
आइतबार बैंकिङ ०. २१, वित्त १.६३, उत्पादन तथा प्रशोधन एक दशमलव १३ र निर्जीवन बीमा समूह शून्य दशमलव ६९ प्रतिशतले घटेको छ भने अरु सबै समूहको उपसूचक बढेको छ । सबैभन्दा धेरै होटल तथा पर्यटन समूहको उपसूचक दुई दशमलव २१ प्रतिशतले बढेको छ ।